Ġmiel l-Aurora

Kliem

Sellem, staħba f’nofs Awwissu
L-aħħar raġġ tax-xemx li iddiet
Niel quddiem ix-‘Xemx’ kaħlana
Ċeda l-kobor tas-smewwiet.

Ibqa’ iddi ‘Xemx’ sabiħa tagħna

Jilma s-sema b’dawl għajnejk
Kun għal din il-art li tħobbok
Tama f’rebħa mal-Feddej.

Għalhekk jisboq fik Marija

Ġmiel l-Aurora fiż-żernieq
L-ogħla żina t’Għawdex tagħna
M’għand Missierna il-Ħallieq.

Meta x-xemx tiżreġ setgħana
Mis-sajf Malti fl-isbaħ jum
Ftiehmu l-qniepen biex mal-poplu
Kulħadd lej’x-‘Xemx’ l-oħra jqum.

Għalhekk żommna Omm glorjuża tagħna

Ifrex fuqna sbieħ barkiet
Din il-belt f’riġlejk inroddu
Tiegħek denji nkunu wlied

Għalhekk jisboq fik….